PRESENTACIÓN DA NOVELA
"Agosto de memoria e morte"
Este martes 05 de abril, tivemos, como vos adiantamos, a visita do
escritor Xoaquín Fernández Leiceaga na Casa do Pobo da Coruña para
presentarnos a súa primeira novela que leva por título "Agosto de
memoria e morte".
O acto comezou tomando á voz a nosa Secretaria Xeral, Mar Barcón, que ademais de falar do autor
na súa traxectoria coma deputado no parlamento galego e a portavocía do
grupo socialista no mesmo, nos lembrou a obra de Xoaquín previa a esta
primeira novela, fundamentalmente de ensaio.
A través das preguntas dos asistentes o autor foi desgranando moitas
das claves da novela; comentounos que escribiu a novela -que tiña xa na
cabeza hai tempo- nun periodo de aproximadamente seis meses que tivo
entre que deixou a súa adicación politica e a súa reincorporación na
Universidade e o seu labor docente.
Falounos do seu interese nesa época mais ou menos recente da Historia
de España, o período da República e coma os xóvenes da época viviron
esos momentos de ilusión con movementos revolucionarios e de marcado
carácter galeguista, falou do grupu Ultreia, da introducción na historia
da novela de personaxes reais e históricos e dando nun salto no tempo, a
etapa de finais do franquismo, tamén recollida na novela, e de coma
moitos deses xóvenes universitarios e da burguesía que simpatizaban nun
principio coa República, foron mudando ata ser afíns ó réxime
franquista e mesmo ter unha posición destacada nel.
Comentou connosco o seu coidado por facer unha novela
de investigación baseada en crímenes e a resolución dos mesmos, no que
todo cadrara e no deixara ningún fío solto, así coma todo o seu proceso
de escritura, revisión, rectificacións ata que a creación estivo lista
para ser publicada.
Despois de departir co
público asistente e contestar as nosas preguntas amablemente, o acto
finalizou coa intervención do noso compañeiro e membro do grupo da
Biblioteca Lois fermín que agradeceu en nome de todo o grupo a presenza
de Xoaquín na nosa Casa do Pobo, e convidándoo a que ademais de seguirse
a falar de Fernández Leiceaga coma escritor, segamos falando nun futuro
próximo del tamén no plano político.
E a título persoal, querería tamén dicir que tivo a amabilidade de adicarme o seu libro.
Grazas Xoaquín, e grazas ó público que nos acompañou.